Samstarfsaðilar
Afhverju að velja sérfræðinga í gagnabjörgun?
SSD gagnabjörgun er mjög flókin og í raun mun erfiðara að eiga við SSD diska heldur en hefðbunda harða diska. Flestir SSD diskar eru með innbyggða dulkóðun (e. onboard encryption) sem gerir gagnabjörgun erfiðari. Ef ekki tekst að ná dulkóðunarlykli af CPU disksins þá er ekki hægt að bjarga gögnunum.
Datatech er eina fyrirtækið á Íslandi sem sérhæfir sig í gagnabjörgun og hefur verið starfandi í faginu síðan árið 2012 og býr yfir sérhæfðum tæknibúnaði og þekkingu til að klára málin hérlendis.
Sérfræðingar okkar hafa yfir 22 ára starfsreynslu í úrlausn flókinna gagnabjörgunarverkefna. Þeir hafa hlotið þjálfun hjá alþjóðlegum leiðtogum í gagnabjörgun eins og Acelab og eru með virkar vottanir frá þeim.
Fyrstu aðgerðir skipta öllu máli
Mikilvægt er að þú vitir hvað þú ert að gera þegar kemur að gagnabjörgun af SSD diskum og því mikilvægt að leita strax til fagaðila heldur en að leita til venjulegra tölvuverkstæða þar sem fyrstu aðgerðir skipta öllu máli og mikilvægt er að tæknimaðurinn viti nákvæmlega hvað hann er að gera.
Ef þú vilt hámarka líkur á endurheimt eyddra gagna af tölvu með SSD eða NVMe disk, þá er öruggast að taka tölvuna strax úr sambandi við rafmagn, ekki slökkva. Bara kippa henni úr sambandi og því fyrr því betra.
- Ekki reyna YouTube „viðgerðir" á diskinn
- Ekki nota ókeypis gagnabjörgunarhugbúnað
- Ekki setja diskinn í frystinn
- Ekki fara með diskinn á venjulegt tölvuverkstæði
- Ekki taka diskinn úr tölvunni og reyna lesa með annari tölvu
- Taktu tölvuna strax úr sambandi við rafmagn — ekki slökkva á henni
Við björgum gögnum af öllum gerðum SSD diska
Við björgum gögnum úr
- NAND flash minni bilanir
- Stýringar (controller) bilanir
- Firmware vandamál
- Dulkóðuð gögn (BitLocker, FileVault)
- TRIM og wear leveling vandamál
- Innbyggð dulkóðun (onboard encryption)
Algeng einkenni
- Diskur finnst ekki í stýrikerfi
- BIOS/UEFI þekkir ekki diskinn
- Tölvan ræsist ekki
- Mjög hægur SSD diskur
- Skemmdar skrár eða möppur
- Óviljandi formatting eða eyðing
Eyddir þú óvart gögnum af SSD disk?
SSD diskar eru erfiðari þegar kemur að því að endurheimta eydd gögn vegna svokallaðrar TRIM virkni eða “Garbage collection”. Þessi virkni eyðir gagnablokkum varanlega eftir að stýrikerfið sendir skipun um eyðingu.
Ólíkt hörðum diskum, sem aðeins fela gögn frá stýrikerfinu án þess að eyða þeim varanlega, eyða SSD diskar gögnunum algjörlega.
Mikilvægt: Ef þú vilt hámarka líkur á endurheimt eyddra gagna af tölvu með SSD eða NVMe disk, þá er öruggast að taka tölvuna strax úr sambandi við rafmagn, ekki slökkva á henni. Bara kippa henni úr sambandi og því fyrr því betra. Alls ekki taka diskinn og reyna lesa með annari tölvu, þá eyðast gögnin varanlega.
Algengar spurningar um SSD gagnabjörgun
Svör við algengum spurningum um gagnabjörgun af SSD diskum
Hver er munurinn á hörðum disk og SSD disk?
SSD diskar geyma gögn á allt annan hátt en harðir diskar. SSD diskar nota flash minni og eru engar segulplötur, leshaus eða hreyfanlegir hlutar í þeim. Þeir þola betur högg og áföll. Flestir SSD diskar eru með innbyggða dulkóðun sem gerir gagnabjörgun flóknari. SSD diskar eru u.þ.b. 100x hraðari en harðir diskar.
Er hægt að bjarga gögnum eftir formatting á SSD?
Gagnabjörgun eftir formatting á SSD er afar sjaldgæf þar sem SSD diskar virka allt öðruvísi en harðir diskar. Flestir nútíma SSD diskar eru með TRIM virkni eða „Garbage collection" sem eyðir gagnablokkum varanlega eftir að stýrikerfið sendir skipun um eyðingu. Ólíkt hörðum diskum, sem aðeins fela gögn frá stýrikerfinu án þess að eyða þeim varanlega.
Hvað kostar gagnabjörgun af SSD disk?
Verð á SSD gagnabjörgun fer eftir ástandi disksins. Þar sem til eru óteljandi gerðir af SSD diskum er hvert verkefni skoðað og metið sérstaklega. Fast tilboð er gefið eftir bilanagreiningu. Ef viðskiptavinur hafnar tilboði er greidd skoðun samkvæmt gjaldskrá.
Afhverju er SSD gagnabjörgun kostnaðarsöm?
SSD gagnabjörgun og krefst sérhæfðs vélbúnaðar til að lesa beint af NAND/Flash kubbum. Auk þess þarf sérhæfðan hugbúnað til að vinna úr dulkóðuðum gögnum og endurbyggja skráarkerfi.
- Sérhæfður búnaður (PC-3000 SSD, DeepSpar)
- NAND lesari til að afrita gögn beint af flash kubbum
- Sérhæfður hugbúnaður frá Acelab ofl.
- Hvert verkefni krefst einstakrar nálgunar vegna fjölbreytni SSD diska
- Það þarf að sérmennta starfsfólk, sækja námskeið árlega hjá Acelab og öðrum framleiðendum
- Áskriftir að sérhæfðum hugbúnaði sem endurnýjast árlega
Hvað segja viðskiptavinir okkar?
Við erum stolt af framúrskarandi þjónustu og árangri
Ég fékk mjög góða þjónustu. Móttaka verkefna er einföld og góð. Þjónustan er unnin hratt og örugglega. Í mínu tilfelli var um að ræða erfitt verkefni en ég fékk öll gögnin mín til baka.
Þorgeir Arnórsson
Stutt og laggott.. Kom með ónýtan disk en eftir mikið puð hjá Datatech var hægt að bjarga öllu úr disknum og setja yfir í þennan 'itty bitty' disk frá þeim. Draumur og allir ánægðir að geta loks séð allt aftur.
Leifur Reynir Björnsson
Ég fékk fyrirmyndarþjónustu. Persónuleg tölvugögn mín voru illu heilli að mestu leyti vistuð á einum diski, sem varð allt í einu ólesanlegur. Eftir bilanagreiningu var mér bent á Datatech. Þar var gögnunum bjargað 100%. Öll samskipti voru eins og best verður á kosið.
Bjarni Frímann Karlsson
Virkilega hröð og professional þjónusta. Bjargaði gögnunum mínum 100% og var alltaf til staðar að svara hvaða spurningum sem er. Mæli með.
Helga Lilja Magnúsdóttir
Apple verkstæði gat ekkert gert fyrir mig og bentu mér á Datatech en lofuðu ekki árangri. Ég var ekki bjartsýnn en ákvað að prófa. Þetta tók tíma en tókst og það var staðið við kostnaðaráætlunina. Ég get þeim bestu mögulegu meðmæli.
Gunnar Árnason, Hljóðmaður
Aðrar gagnabjörgunarþjónustur
Við bjóðum einnig upp á gagnabjörgun af öðrum tegundum geymslumiðla
Hvernig á að koma búnaðinum til okkar?
Stofnaðu þjónustubeiðni
Fylltu út eyðublaðið á vefsíðunni okkar
Komdu með tækið til Pixlar
Suðurlandsbraut 54, 108 Reykjavík
Fáðu bilanagreiningu og verðmat
Þú samþykkir eða hafnar tilboðinu
Pixlar – Móttökustaður
Suðurlandsbraut 54, 108 Reykjavík
Virka daga: 10:00 – 18:00
Laugardaga: 11:00 – 15:00
Einnig er hægt að senda búnaðinn í pósti. Hafðu samband til að fá leiðbeiningar.
Tapaðir þú gögnum af SSD disk?
Stofnaðu þjónustubeiðni og komdu búnaðinum til okkar, þó þér hafi verið sagt annarstaðar að ekkert væri hægt að gera til að bjarga gögnunum þínum. Við erum sérfræðingar í gagnabjörgun og búum yfir sérþekkingu í faginu og notum sérhæfðan gagnabjörgunarbúnað frá Acelab, DeepSpar og HddSurgery til að tryggja hámarks árangur.