Gagnabjörgun af hörðum diskum

Picture
Unnt er að bjarga gögnum af öllum gerðum harðra diska, óháð stýrikerfi. Gagnabjörgunarverkefnum höfum við skipt upp í þrjá flokka eftir því hversu mikið þarf að gera til þess að bjarga gögnum.
Greiningargjald, 11.900 kr m.vsk, er greitt fyrir hvert verkefni fyrirfram og í því felst að meta hverskonar viðgerð diskurinn þarf á að halda. Verð viðgerða fer eftir gagnamagni og eftir því hverskonar bilun er um að ræða og hvaða aðferð þarf að beita.

Vinsamlegast kynntu þér vandlega Þjónustuskilmála Datatech áður en þú pantar þjónustu eða kemur með hlut til okkar í gagnabjörgun eða viðgerð.
  • ​Gagnabjörgun A Í þessum flokki eru flest „einföldu“ verkefnin. Skilyrði fyrir þessari leið er að hana er eingöngu hægt að nota þegar vélbúnaður harða disksins er í lagi, t.d. þegar skjölum hefur óvart verið eytt eða hent úr ruslafötu stýrikerfis. Einnig ef skjöl hafa týnst án skýringa, stýrikerfi hefur hrunið, vírus eða önnur óværa hefur komist í tölvuna eða diskurinn hefur verið forsniðinn og enduruppsettur.
  • Gagnabjörgun B Í þessum flokki eru vandamálin erfiðari. Gagnabjörgun B er notuð í verkefnum t.d. þegar harður diskur sést ekki inn í „BIOS“ eða My Computer  á PC tölvum eða kemur ekki fram í „Disk utility“ á Apple tölvum. Einnig ef miklar sector skemmdir eru á disknum (skemmd svæði), en þá heyrast stundum smávægilegir smellir eða surg í disknum. Í þessum flokki eru einnig vandamál sem tengjast óvirkum leshausum harða disksins, eða   hugbúnaðarvillur á stýringu (e. ROM) disksins.
  • Gagnabjörgun C Erfiðustu verkefnin falla í þennan flokk. Hér þarf að skipta um varahluti innan í harða disknum, t.d. formagnara (e. pre-amp), leshausa (e. heads) o.fl. Viðgerðir sem þessar fara fram í rykhreinsuðu umhverfi og eru mjög vandasamar. Að lokinni viðgerð á vélbúnaði eru notaðar „B“ gagnabjörgunaraðferðir eins og lýst er hér að ofan.
Ef þú hefur týnt verðmætum gögnum er fyrsta skrefið að senda okkur þjónustubeiðni og koma svo með búnaðinn til okkar í Ármúla 4-6 (Orange project) !

ATH að gefnu tilefni: Margar mýtur eru í gangi um hvað sé hægt að gera til að koma biluðum hörðum diskum í gang aftur. Því miður eru flestar þeirra ónothæfar og munu bara gera endurheimt gagnanna mun erfiðari og dýrari eða jafnvel ómögulega! Vítin eru til að varast þau:
  • Ekki undir neinum kringumstæðum skulu þið reyna að opna diskinn sjálf til þess að laga hann. Venjulegt andrúmsloft, rykkorn, hár o.s.frv. eyðileggja innviði disksins og gera endurheimtingu gagna nær ómögulega.
  • Ekki setja diskinn í frysti. Þegar diskurinn er tekinn úr frysti, myndast raki inn í honum og skemmir hann. Kuldi hefur ekkert að gera með að bjarga gögnum af hörðum diskum.
  • Ekki banka í diskinn þegar það smellur í honum eða berja honum í vegg eða borð. Það eina sem getur gerst er að hann versnar og getur svona bank valdið yfirborðsskemmdum.
  • Varist að nota CHKDSK í Windows, eða reyna að bjarga gögnunum með ókeypis hugbúnaði af netinu. Það gerir yfirleitt illt verra.